 |
17:52 29-ամյա բելառուս կնոջ սպանության մեջ կասկածվող գիշերապահակը կալանավորվել է | |
 Լոռիի մարզի ընդհանուր իրավասության դատարանում, նոյեմբերի 20-ին, կայացել է Ստեփանավանի «Անահիտ» հանգստյան տանը 29-ամյա կնոջ սպանության գործով դատական նիստը, որտեղ սպանության մեջ կասկածվող Ստեփանավանի 58-ամյա բնակիչ Արշավիր Դեմիրխանյանի նկատմամբ երկամսյա կալանք կիրառելու որոշում է կայացվել: Նիստն անցել է դռնփակ: Սույն գործով քննիչ Սերգեյ Սերոբյանը միջնորդել է դատարանին` Արշավիր Դեմիրխանյանի նկատմամբ նախնական երկամսյա կալանք կիրառել, ինչը դատավոր Մուշեղ Հարությունյանը բավարարվել է: Մինչեւ դատական նիստն ու դատարանի որոշումը, այս օրերին Դեմիրխանյանը գտնվել է ոստիկանության Ստեփանավանի բաժնի ձերբակալվածների պահման համար վայրում: Քննիչ Սերգեյ Սերոբյանի կողմից նշանակվել են նաեւ լրացուցիչ մի շարք փորձաքննություններ: Ավելի վաղ հայտնել էր, որ Լոռիի մարզի Ստեփանավան քաղաքի «Անահիտ» հանգստյան տան պահակակետում սպանություն է տեղի ունեցել, հանգստյան տան գիշերապահակ 58-ամյա Արշավիր Դեմիրխանյանը վիճաբանել էր 29-ամյա, ազգությամբ բելառուս Ինգա Շիշլոյի հետ: Վիճաբանության ընթացում գլխին ստացած ապակյա շշի հարվածներից, Շիշլոն հիվանդանոցի վերակենդանացման բաժանմունքում, գիտակցության չգալով, մահացել էր: Դեպքի առթիվ հարուցվել էր քրեական գործ: | |
|
| |
| Всего комментариев: 0 | |