 |
17:53 Գործարար Սիլվա Համբարձումյանը դեռ չի դիմել Հայաստանի գլխավոր դատախազություն | |
 Հայաստանի գլխավոր դատախազությունը դեռ չի ստացել բողոք գործարար Սիլվա Համբարձումյանից Սյունիքի մարզպետ Սուրեն Խաչատրյանի դեմ: Այդ մասին հայտնեց գլխավոր դատախազի մամուլի քարտուղար Սոնա Տռուզյանը: Նա նաեւ հաստատել է, որ Սիլվա Համբարձումյանն այսօր հրավիրվել է Հատուկ քննչական ծառայություն ցուցմունք տալու: Հիշեցնենք, որ օրերս մամուլի ասուլիսում գործարարը մեղադրանքներ էր հնչեցրել Սուրեն Խաչատրյանի եւ Էներգետիկայի նախարար Արմեն Մովսիսյանի հասցեին՝ ովքեր հավակնություններ էին դրսեւորել Սիլվա Համբարձումյանին պատկանող «Լիճքվազ-Թեյի» ոսկու հանքի նկատմամբ: Ի վերջո, գործարարի պնդմամբ՝ անօրինական գործողություններով հանքը խլել են իր ձեռքից: Սյունիքի մարզպետին Սիլվա Համբարձումյանը մեղադրել էր նաեւ միլիոնավոր դոլարների սարքավորումներ «գողանալու» մեջ: Նոյեմբերի 14-ին, 7:30-ի սահմաններում, «Մարիոթ» հյուրանոցում Սյունիքի մարզպետ Սուրեն Խաչատրյանը («Լիսկա»), ծեծի է ենթարկել գործարար Սիլվա Համբարձումյանին: Ըստ ականատեսների, Սուրեն Խաչատրյանը մտնելով «Մարիոթ» հյուրանոց եւ ֆոյեում տեսնելով Սիլվա Համբարձումյանին՝ մոտեցել է, ոտքով հարվածել վերջինիս, ապա հարձակվելով հանկարծակիի եկած կնոջ վրա՝ հարվածների տարափ է տեղացել: Ըստ «Առավոտի» տեղեկությունների, տվյալ սրահում տեսանկարահանող սարքեր կան փակցված, որոնք արձանագրել են մարզպետի «հերոսական կեցվածքը»: | |
|
| |
| Всего комментариев: 0 | |