 |
20:07 Հնդկաստանում տանը պատրաստված անորակ խմիչքի զոհերի թիվը 120-ից անցել է | |
 Հնդկաստանում տանը պատրաստված անորակ խմիչքի զոհերի թիվը հասել է 121-ի: Գրեթե 100 մարդ էլ գտնվում է Արեւմտյան Բենգալիա նահանգի հիվանդանոցներում: Նրանցից շատերի վիճակը ծանր է, տեղեկացնում է IANS գործակալությունը` վկայակոչելով տեղի իշխանություններին: Ավելի վաղ հաղորդվել էր 102 զոհերի մասին: Հիշեցնենք, 200-ից ավելի մարդ Սանգրամպուրի երկաթգծային կայարանին հարակից էժանագին հաստատությունում տնային պայմաններում պատրաստված ալկոհոլային խմիչք է խմել, դեկտեմբերի 14-ի գիշերը նրանցից շատերի ինքնազգացողությունը կտրուկ վատացել է: Առաջին մահը գրանցվել է առավոտյան: Այնուհետեւ զոհերի թիվը գնալով սկսել է աճել: Վերջին տվյալներով` ոստիկանությունը ձերբակալել է տնային պայմաններում ալկոհոլային խմիչքի ապօրինի արտադրության եւ վաճառքի մեջ կասկածվող 7 անձանց: Իշխանությունները հայտնել են, որ զոհվածների ընտանիքները նահանգային կառավարության կողմից շուրջ 200 հազար ռուփի (շուրջ 4 հազար դոլար) նյութական օգնություն կստանան: Տեղի առողջապահության վարչության ներկայացուցիչը տեղեկացրել է, որ մարդկանց մահվան պատճառ է դարձել մեթիլից թունավորումը: Թունավորվածների մեծ մասը սեւագործ բանվորներ են, աղքատ գյուղացիներ: Զանգվածային թունավորման վայր են ժամանել նահանգային ոստիկանության ղեկավարությունը եւ Կալկաթայից եկած բժիշկների խումբը: Տեղի բնակիչների կատաղած ամբոխը հրդեհել է հաստատությունը, որտեղ վաճառվել է թունավոր խմիչքը: | |
|
| |
| Всего комментариев: 0 | |