 |
22:50 Մովսիսյանի ծառայություններով հետաքրքրված է նաև Տոտենհեմը | |
Լոնդոնի "Տոտենհեմը" հետաքրքրված է Հայաստանի հավաքականի և "Կրասնոդարի" հարձակվող Յուրա Մովսիսյանի ծառայություններով: Այս մասին հայտնում է Lifesports.ru-ն՝ հղում անելով իր լավատեղյակ աղբյուրներին: Անգլիական ակումբի սկաուտները Յուրայի նկատմամբ ուշադրություն են դարձել Երևանում կայացած Մակեդոնիայի հետ խաղից հետո, որում Մովսիսյանը 3 գոլային փոխանցում կատարեց՝ դառնալով հանդիպման հերոսներից մեկը: "Մովսիսյանն ընթացիկ մրցաշրջանում իրեն հիանալի դրսևորեց' հաջող հանդես գալով "Կրասնոդարում" և իր ազգային հավաքականում, որով գրավեց ոչ միայն ռուսական մի շարք ակումբների ուշադրությունը",- Lifesports.ru-ին ասել է ռուս գործակալներից մեկը: "Բացի այդ, գործակալական կազմակերպությունը, որը ներկայացնում է ֆուտբոլիստի շահերը, սերտորեն համագործակցում է Ամերիկայի գործընկերների հետ, որոնք անգլիացիներին խորհուրդ են տվել գործում տեսնել հայ հարձակվողին",-ավելացրել է աղբյուրը: Յուրա Մովսիսյանի ներկայացուցիչ Դավիթ Աբրահամյանը հաստատել է տեղեկությունը. "Կա հետաքրքրություն մի քանի անգլիական ակումբների կողմից, որոնց թվում միայն "Տոտենհեմը" չէ, բայց կոնկրետ ինչ-որ բանի մասին դեռ վաղ է խոսել": Հիշեցնենք, որ Մոսվսիյանի՝ "Կրասնոդարի" հետ պայմանագիրն ավարտվում է 2014թ.: | |
|
| |
| Всего комментариев: 0 | |