 |
17:26 Ոստիկանները բռնել են կաշառակեր ոստիկանների | |
 Ոստիկանության կազմակերպված հանցավորության դեմ պայքարի գլխավոր վարչությունը բացահայտել է հերթական աղմկոտ դեպքը: NEWS.am-ին տեղեկացված աղբյուրներից հայտնի դարձավ, որ բացահայտվել է խոշոր չափի կաշառքի դեպք, որում ընդգրկված են հենց Ոստիկանության աշխատակիցներ: Աղբյուրների փոխանցմամբ` խոսքը, մասնավորապես, Ոստիկանության Էրեբունի բաժնի պետի օպերատիվ գծով տեղակալ Միհրան Քեշիշյանի մասին է: տեղեկությունները հաստատեցին Ոստիկանությունում` նշելով, որ կառույցում ինքնամաքրման գործընթաց է տեղի ունենում: Դեպքի վերաբերյալ հայտնի են որոշ մանրամաներ: ՀՀ ԱՆ «Նուբարաշեն» ՔԿՀ-ում գտնվող մի դատապարտյալի թմրանյութ փոխանցելու փաստի առնչությամբ: ՔԿՀ-ում նրանց վերաբերյալ նյութեր են նախապատրաստվել եւ ուղարկվել ոստիկանության Էրեբունու քննչական բաժին: Քաղաքացիները պատասխանատվությունից ազատվելու նպատակով դիմել են ոստիկանության շտաբի ավագ տեսուչ Կարեն Խաչատրյանին, նա էլ` ոստիկանության Էրեբունու բաժնի պետի օպերատիվ գծով տեղակալ Միհրան Քեշիշյանին: Քեշիշյանի պահանջով քաղաքացիները Կ. Խաչատրյանին են տվել 13 հազար դոլար կաշառք, որից նա հազար դոլար վերցրել է իր ծառայությունների դիմաց, իսկ մնացածը տվել է Միհրան Քեշիշյանին: Կ. Խաչատրյանն ընդունել է գումարը վերցնելու եւ Միհրան Քեշիշյանին փոխանցելու փաստը: Նախապատրաստված նյութերն ուղարկվել են ՀՀ ՀՔԾ: | |
|
| |
| Всего комментариев: 0 | |