Այսօր կեսօրին կայացած հանդիսավոր արարողության ժամանակ Ռոնալդուին հանձնեցին «Ոսկե խաղակոշիկ» մրցանակը: Արարողությանը ներկա էին Ֆլորենտինո Պերեսը, Զինեդին Զիդանը և Միգել Պարդեսան: Ալֆրեդո դի Ստեֆանոն և պորտուգալացի նախկին ֆուտբոլային աստղ Էուսեբիոն հանձնեցին այդ պատվավոր մրցանակը: «Ես ուզում եմ կիսել այս մրցանակաը թիմակիցների, երկրպագուների և ակումբի ամբողջ ղեկավարական անձնակազմի հետ: Այս մրցանակի համար շնորհակալ եմ նախագահին, ընտանիքիս և ընկերուհուս»,- ասել է Ռոնալդուն: Ալֆրեդո դի Ստեֆանոն և Էուսեբիոն նույնպես իրենց կարծիքները և գովերգի խոսքերը հայտնեցին այս ամենի վերաբերյալ. «Սա մի աննկարագրելի երևույթ է: Նա ամեն ինչ շատ հոյակապ է անում և հուսով եմ, որ նման ոգով էլ կշարունակի առաջ շարժվել»,- ասաց դի Ստեֆանոն: ««Ոսկե խաղակոշիկ» մրցանակին նա չէր տիրանա, եթե չլինեին «Ռեալում» գտնվող իր խաղընկերները: Շատ դժվար է վաստակել այս տիտղոսը»,- ավարտել է Էուսեբիոն: Ռոնալդուն միակ ֆուտբոլիստն է, ում հաջողվել է երեք անգամ անընդմեջ նվաճել «Ոսկե խաղակոշիկ» տիտղոսը: Հատկանշական է, որ երկուսը նա նվաճել է «Ռեալի» կազմում:       
| 
