 |
12:41 Դերասան Սիլվեսթր Ստալոնեին դատի են տվել | |
 Հոկտեմբեր 26, 2011 | 13:13 Ամերիկյան գրող Մարկուս Վեբը դատի է տվել Սիլվեսթր Ստալոնեին` «Անորսալիները» ֆիլմի սցենարի կրկնօրինակման համար: 2010թ. նկարված մարտաֆիլմի սցենարը «զարմանալիորեն նման է, որոշ տեղերում էլ միանգամայն համընկնում է» Վեբի «Թռիչք Կորդոբայով» ստեղծագործությանը, վստահեցնում է գրողը: Վեբը փոխհատուցում է պահանջում հեղինակային իրավունքների խախտման համար եւ մտադիր է հասնել նրան, որ իր իրավունքները եւս մեկ անգամ չխախտվեն ֆիլմի շարունակության մեջ` «Անորսալիները 2», որը հայտնվելու է 2012 թվականին: Գրողը պնդում է, որ 2006թ. գրանցել է իր պատմվածքը եւ սցենարը ԱՄՆ հեղինակային իրավունքի պաշտպանության բյուրոյում: «Անխոս, Ստալոնեն ծանոթ է եղել սցենարին եւ կրկնօրինակել է նրա` հեղինակային իրավունքով պաշտպանված հատվածները»,- վստահեցնում է Վեբը: Մասնավորապես, Վեբը արտատպություն է համարում մի շարք տեսարաններ, օրինակ, ծովում փրկվելու հատվածը, «որոնք ոչ մի ձեւով չեն կապվում հիմնական բովանդակությանը», տեղեկացնում է Gazeta.ru-ն` վկայակոչելով Reuters-ին | |
|
| |
| Всего комментариев: 0 | |