 |
16:05 Վարչապետը հանձնարարել է բնապահպանների հետ քննարկել նրանց բարձրացրած հարցերն ու առաջարկությունները | |
 Կառավարությունում այսօր` հոկտեմբերի 28-ին, Հայաստանի կայուն զարգացման ազգային խորհրդի նիստում, բնապահպանական կազմակերպություններն իրենց տեսակետներն են ներկայացրել Թռչկանի ջրվեժի վրա փոքր ՀԷԿ-ի կառուցման եւ Սեւանա լճին հարակից տարածքում՝ Սոտքում, ոսկու կորզման ֆաբրիկայի գործունեության շուրջ: Կառավարության մամուլի ծառայությունից հայտնում են, որ այս կապակցությամբ, ՀՀ բնապահպանության եւ Էներգետիկայի ու բնական պաշարների նախարարները ներկայացրել են համապատասխան փաստարկներ: Վարչապետ Սարգսյանը հանձնարարել է վերջիններիս՝ բնապահպանների հետ քննարկել բարձրացված հարցերն ու ներկայացվող առաջարկությունները: Տիգրան Սարգսյանը հիշեցրել է, որ գործում է ՀՀ նախագահին առընթեր Սեւանա լճի հիմնախնդիրներն ուսումնասիրող հանձնաժողով, որտեղ աշխատում են մեծ փորձառություն ունեցող մասնագետներ: «Սեւանա լճի խնդիրը գտնվում է Հանրապետության ղեկավարի ուշադրության ներքո: Առանց այս հանձնաժողովի եզրակացության՝ կառավարությունը որեւէ գործողություն չի իրականացնում: Կոչ եմ անում համագործակցել հանձնաժողովի հետ՝ ձեր բոլոր մտահոգությունները փարատելու համար»,- դիմելով բնապահպաններին՝ ասել է վարչապետը: | |
|
| |
| Всего комментариев: 0 | |